ໄຟຟ້າລາວ: June 2015

ແຈ້ງການ

ແຜນຄຸ້ມຄອງສິ່ງແວດລ້ອມແລະສັງຄົມຂອງໂຄງການປັບປຸງລະບົບຈຳໜາຍໃນ ນະຄອນຫຼວງ (PGI) ທ່ານ ສາມາດດາວໂລດຂໍ້ມູນເພີ້ມເຕິ້ມໄດ້ທີ

ກອງປະຊຸມພະລັງງານ ຄັ້ງທີ 2 ປະຈຳປີ 2015

ກອງປະຊຸມ ຄັ້ງທີ2 Power Utility Summit 2015

ໄດ້ໄຂຂື້ນຢ່າງເປັນທາງການ ໃນວັນທີ 07-09 ເມສາ

2015 ທີ່ຜ່ານມາ ຢູ່ທີ່ແຂວງ ຫຼວງພະບາງ ໂດຍການ

ເປັນປະທານຂອງທ່ານ ສີສະຫວາດ ທິຣະວົງ ຜູ້ອຳນວຍ

ການໃຫຍ່ ລັດວິສາຫະກິດໄຟຟ້າລາວ ໂດຍມີບໍລິສັດຜູ້ຕາງ

ໜ້າ ຈາກ 5 ປະເທດເຂົ້າຮວ່ມຄື: ປະເທດກໍາປູເຈຍ, ສປ ຈີນ,

ມຽນມາ, ໄທ ແລະ ປະເທດຫວຽດນາມ ພ້ອມດ້ວຍ ແຂກທີ່ຖືກ

ເຊີນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ຈຸດປະສົງຂອງການຈັດປະຊຸມໃນຄັ້ງນີ້ ກໍ່ແມ່ນເພື່ອສືບຕໍ່ຈາກກອງປະຊຸມຄັ້ງທີ 1 ທີ່ ກວາງໂຈ, ປະເທດ ສປ ຈີນ ໃນ ປີ 2014 ທີ່ຜ່ານມານັ້ນ ທີ່ໄດ້ມອບໃຫ້ ລັດວິສາຫະກິດໄຟຟ້າລາວ (ຟຟລ) ເປັນເຈົ້າພາບໃນການຈັດກອງປະຊຸມໃນຄັ້ງນີ້. ເພື່ອເປັນການສ້າງສາຍພົວພັນການຮ່ວມມື ແລະ ແລກປ່ຽນ ຂໍ້ມູນຂ່າວສານ ທາງດ້ານພະລັງງານ ຈາກບັນດາປະເທດໄກ້ຄຽງ. ເຊິ່ງເພາະວ່າໃນປະຈຸບັນ ຄວາມຕ້ອງການທາງດ້ານພະລັງງານ ແມ່ນນັບມື້ນັບສູງຂຶ້ນ ເຊິ່ງມັນໄດ້ຮຽກຮ້ອງເຖິງການຜະລິດທີ່ສູງຂຶ້ນ ລວມເຖິງການແລກປ່ຽນພະລັງ ງານ ຈາກບັນດາປະເທດໄກ້ຄຽງ ເພື່ອເຮັດໃຫ້ມີພະລັງງານພຽງພໍ ແລະ ມີຄວາມສະຖຽນລະພາບ ເຊິ່ງແຕ່ລະປະເທດ ມີທ່າແຮງໃນການຜະລິດທີ່ແຕກຕ່າງກັນເຊັ່ນ: ເຂື່ອນໄຟຟ້າພະລັງງານນໍ້າ, ໂຮງໄຟຟ້າຖ່ານຫີນ, ພະລັງງານແສງຕາວັນ, ພະລັງງານລົມ ແລະ ພະລັງງານທົດແທນອື່ນໆ ເພື່ອສ້າງລະບົບໄຟຟ້າຂອງພູມີພາກໃຫ້ໝັ້ນຄົງ ເປັນລະບົບໄໝ່ແບບຊ່ວຍເຫຼືອເຊິ່ງກັນ ແລະ ກັນ